"AZNUR" MMC-nin tabeçiliyində olan "Belaruski" mağazalar şəbəkəsinin filialından külli miqdarda pul oğurlanıb.
Teleqraf.az-ın əldə etdiyi məlumata görə, mağazada fəhlə kimi çalışan Anar Məmmədov (ad-soyad şərtidir) müdir otağına qanunsuz daxil olaraq 36404 manat məbləği cinayət yolu ilə mənimsəyib.
Seyfdən oğurladığı pulların bir qismini öz ehtiyacları üçün xərcləyən Anar, Sabunçu rayonu ərazisində polis əməkdaşları tərəfindən saxlanılıb. O, saxlanılan zaman cinayət əməlini etiraf edib.
Saxlanılan zaman üzərində 32900 manat olan təqsirləndirilən şəxs dəymiş zərərin qalan hissəsini "AZNUR" MMC-yə ödəyib. Bundan sonra zərərçəkmiş şəxs A.Məmmədovdan şikayətçi olmayıb.
Nəsimi Rayon Məhkəməsinin hökmünə əsasən, 1999-cu il təvəllüdlü A.Məmmədovun azadlığı 3 il müddətinə məhdudlaşdırılıb.
