Bakının "20 Yanvar" metrosu ətrafında, xüsusilə Sumqayıt, Xırdalan və Masazır istiqamətinə hərəkət edən avtobuslardan istifadə edən minlərlə sərnişin yağışlı havalarda ciddi çətinliklərlə üzləşir.
Bakuplus.az-ın məlumatına görə, ərazidə yağışdan və küləkdən qorunmaq üçün lazımi səviyyədə avtobus dayanacaqları yoxdur.
Yağışlı havalarda vətəndaşlar, xüsusilə yaşlı insanlar, hamilə qadınlar və uşaqlar sığınacaq tapa bilmir. Nəticədə uzun müddət açıq havada avtobus gözləməyə məcbur qalır.
Şikayətçilər bildirir ki, bu məsələ ilə məşğul olan qurumun rəhbərliyi və müavinləri belə bir gündə həmin ərazidə dayanıb vəziyyəti şəxsən görməlidir.
Sakinlər aidiyyəti qurumlardan problemi tez bir zamanda həll etməyi tələb edirlər.
