Bu gün Ermənistan silahlı qüvvələrinin Gəncəni üçüncü dəfə atəşə tutmasından beş il keçir.
Bakuplus.az xəbər verir ki, məlumat verir ki, 8 oktyabr 2020-ci ildə Ermənistan silahlı qüvvələri Azərbaycanın ikinci böyük şəhəri olan Gəncəyə növbəti dəfə raket hücumu etdi. Gecə saat 3 radələrində atılan raket Həsən Əliyev və Pərviz Səmədov küçələrində yerləşən qeyri-yaşayış sahəsində xeyli dağıntı törətdi, bir avtomobil tamamilə yararsız hala düşdü. Bundan əlavə, XIX əsrin abidəsi olan Aleksandr Nevski Rus Pravoslav Kilsəsinə də ziyan dəydi. Bu isə ermənilərin təkcə islama deyil, hətta özlərinin mənsub olduğu xristian dininə hörmətsizliyini göstərir.
Qeyd edək ki, ümumilikdə Gəncə şəhərinə endirilmiş raket zərbələri nəticəsində 6-sı uşaq və yeniyetmə olmaqla 26 nəfər həlak olub, 29-u uşaq olmaqla 130-a yaxın insan müxtəlif dərəcəli bədən xəsarətləri alıb. Bu hadisələr zamanı 3 ailənin üzvü olan 4 uşaq hər iki valideynini itirib.
