Bakıda, "Neftçilər" metro stansiyasının yaxınlığında ağır və rezonans doğuran qətl baş verib.
Yayılan xəbərə görə, metrostansiyasının həndəvərində yerləşən mənzillərdən birində Nicat adlı şəxsin meyiti aşkarlanıb. Onun həyatla öz xoşu ilə vidalaşmadığı, ölümündə kriminal izlərin olduğu müəyyən edilib.
Konkret.аz meyiti aşkar olunan şəxsin AMEA prezidenti İsa Həbibbəylinin baldızı oğlu olduğu haqda xəbər yayıb. İsa Həbibbəyli xəbəri təsdiq və ya təkzib etməyib.
Tibbi müayinədən keçirilərkən meyitin üzərində güllə yarası müəyyən olunub. Onun intihar etdiyi və ya digər şəxs tərəfindən qətlə yetirildiyi araşdırma mövzusudur.
Hazırda faktla bağlı Nizami Rayon Prokurorluğunda araşdırmalar davam edir. Polis və prokurorluq hadisənin təfərrüatları barədə geniş açıqlama verməyib.
Bəzi məlumatlara görə, Nicat ölümünə qədər Naxçıvanda elm sahəsinə aid rəhbər vəzifədə olub. Onun cənazəsinin artıq Naxçıvana aparıldığı bildirilir.
