Masazır kəndində bu gün saat 12:00-dan bəri elektrik enerjisi yoxdur.
Bu barədə Bakuplus.az-a həmin ərazidə yaşayan sakinlər məlumat verib.
Onların sözlərinə görə, artıq uzun müddətdir ki, demək olar, hər gün işıqlar sönür. Dəfələrlə aidiyyəti qurumlara şikayət edilsə də, problem həllini tapmır. Sakinlər bildirir ki, işıqların belə tez-tez sönməsindən boğaza yığılıblar.
"İlin-günün bu vaxtı saatlarla işıq sönər? Dərdimizi kimə deyək, bilmirik. Amma artıq bu problemə bir həll yolu tapılmalıdır," – deyə şikayətçilərdən biri bildirib.
Sakinlər məsul qurumlardan bu vəziyyətə son qoyulmasını və sabit elektrik təminatının bərpa edilməsini tələb edirlər.
