Almaniyanın "Ayntraxt" klubu UEFA Çempionlar Liqasının VII turunda "Qarabağ"la oyunda azarkeşsiz oynayacaq.
Teleqraf.az xəbər verir ki, bu barədə qərarı UEFA qəbul edib.
Buna səbəb alman azarkeşlərin ÇL-in VI turunda dekabrın 9-da "Barselona" ilə (1:2) keçirilən matçda meydançaya əşyalar, fişənglər atması və əmlaka ziyan vurmasıdır. Buna görə klub 38 min avro məbləğində cərimələnib.
Frankfurt təmsilçisinin fanatlarının intizamsız davranışı nəzərə alınaraq, onlara Bakıdakı qarşılaşma üçün bilet satışı qadağan edilib.
Qeyd edək ki, "Qarabağ" – "Ayntraxt" oyunu 21 yanvar tarixində Tofiq Bəhramov adına Respublika stadionunda keçiriləcək.
