QOÇ bürcü
Bu həftə xəyallarda uçmayın, qarşınıza real hədəflər qoyun. Alış-veriş məsələləri ilə bağlı tələsməyin: aldadılmaq riski yüksəkdir. Həmçinin pulunuza qənaət edin və ehtiyacınız olmayan şeylərə pul xərcləməyin. Həftəsonu yaxınlarınızla xırda şeylər üzərində mübahisələr baş verə bilər. Amma onlar ciddi münaqişələrə səbəb olmayacaq. Bazar günü faydalı olacaq tanışlıqlar baş tutacaq. Uğurlu günləriniz 27, 29 yanvar, uğursuz gününüz isə 26 yanvardır.
BUĞA bürcü
Yeni proyektlər götürməkdən çəkinməyin: çox güman ki, onlarda tez bir zamanda uğur qazanacaqsınız. Həmçinin uzun müddət bacarmadığınız işlərin öhdəsindən gəlmək imkanınız olacaq. Dostlarla gözəl vaxt keçirmək, bəzi maraqlı yerləri ziyarət etmək, darıxdığınız insanları görmək fürsəti yaranacaq. Bəzi Buğalar əvvəllər dost bildiyi insanlar tərəfindən xəyanətə uğraya bilərlər. Həftəsonu pul qazanmaq üçün təklif alacaqsınız: maddi durumunuz xeyli yaxşılaşacaq. Uğurlu günləriniz 25, 28 yanvar, uğursuz gününüz isə 24 yanvardır.
ƏKİZLƏR bürcü
Bu həftə hədiyyələr və xoş sürprizlərlə dolu olacaq. Sizi gizli sevən pərəstişkarınız var: onun kim olduğunu aşkar edəcəksiniz. Həftənin ortasında qohumlar sizdən zəli kimi yapışacaq və qanınızı içəcəklər. Səbəb isə sizin böyük pul əldə etməyiniz olacaq: hər kəs sizin uğurunuzdan bir parça qoparmaq istəyəcək. Həftəsonu liderlik keyfiyyətlərinizi göstərmək şansınız olacaq: yeni vəzifə almaq və ya müdir olmaq şansınız yüksəkdir. Uğurlu günləriniz 23, 25 yanvar, uğursuz gününüz isə 28 yanvardır.
XƏRÇƏNG bürcü
“Eşq təsədüfləri sevər”: bir görüş sizin həyatınızı 180 dərəcə dəyişəcək. Xaricə səfər etmək təklifi ala bilərsiniz, hətta orada qalmaq və ya iş qurmaq şansınız olacaq. Balışınızın altınızda bir-iki manat varsa, onu biznesə yatırın, sonda varlı olacaqsınız. Həftəsonu əks cins tərəfindən aşırı diqqət görəcəksiniz: bu, sizin üçün çox bezdirici ola bilər. Uğurlu günləriniz 26, 29 yanvar, uğursuz gününüz isə 23 yanvardır.
ŞİR bürcü
Həftənin başlanğıcı xoşunuza gələn insana sevgi etirafı etmək üçün çox əlverişlidir: hissləriniz cavabsız qalmayacaq. Həftəiçi planlaşdırılmamış səfərlər mümkündür, odur ki, pasportunuzu hazır saxlayın: bir də gördünüz, xaricə getməlisiniz. Evli olanların başı üstünü qara buludlar alacaq: qısqanclıq səbəbindən münaqişələr baş tutacaq. Uğurlu günləriniz 24, 27 yanvar, uğursuz gününüz isə 28 yanvardır.
QIZ bürcü
Ünsiyyət baxımından çətin həftədir. Bəzən əvvəllər mükəmməl başa düşdüyünüz insanlarla belə anlaşmaq çətin olacaq. Xırda münaqişələr, qızğın mübahisələr istisna deyil. Onlara son qoymağın bir yolunu tapacaqsınız, amma bunun üçün səy göstərmək lazım olacaq. Dostlarınız həftəsonu sizə böyük xoş sürpriz hazırlayacaqlar: inanın ki, göz yaşlarınızı saxlaya bilməyəcəksiniz. Evdə qalmış subay oğlanların bəxti açılacaq: axır ki, ikinci yarınız qarşınıza çıxacaq. Uğurlu günləriniz 27, 28 yanvar, uğursuz gününüz isə 23 yanvardır.
TƏRƏZİ bürcü
Bu həftə hadisələrlə dolu olacaq: sevgi cəbhəsində və karyeranızda böyük dəyişikliklər baş verəcək. Həftəiçi çoxlu pul xərcləyəcəksiniz, lakin sonda xərclədiyinizin 10 qatını geri alacaqsınız. Müdiriyyət tərəfindən sürprizlərə hazır olun: vəzifənizlə bağlı yenilik baş verə bilər. Həftəsonu maraqlı görüş baş tutacaq: uşaqlıq dostunuz və ya keçmiş sevgiliniz həyatınıza daxil olacaq. Uğurlu günləriniz 24, 26 yanvar, uğursuz gününüz isə 27 yanvardır.
ƏQRƏB bürcü
Həftənin birinci yarısı sakit keçsə də, ikincisi sürprizlərlə dolu olacaq. Nələrsə plana uyğun getməyəcək, hadisələr gözlənilməz şəkildə cərəyan edə bilər. İntuisiyanıza güvənin: o, sizə çox faydalı ipucular verəcək. Həftəsonu möcüzəyə inanacaqsınız: arzunuz çin olacaq və bu sizi şoka salacaq. Uğurlu günləriniz 25, 28 yanvar, uğursuz gününüz isə 24 yanvardır.
OXATAN bürcü
Bu həftə sizi narahat edən problemlərə son qoyulacaq. Yaxşı günlərə hazır olun. Ürəyinizin qapısını lazımsız insanlara açmayın, onlar sizə yaxın olub zəif yerinizi tapa, sonra isə sizə zərbə vura bilərlər. Odur ki, bəzən soyuqqanlı, ürəksiz görünmək daha yaxşıdır. Həftəsonu karyera yüksəlişinə bir pillə də yaxınlaşacaqsınız. Subayların qabağına pullu, varlı, zadəgan bir insan çıxacaq. Lakin onun maddi durumuna aldanmayın, iç dünyasının zənginliyini yoxlayın. Uğurlu günləriniz 24, 27 yanvar, uğursuz gününüz isə 23 yanvardır.
OĞLAQ bürcü
Həftə xoş xəbərlə başlayacaq: bu xəbəri çoxdan gözləyirdiniz. Həyatınızın ən parlaq günləri başlayacaq, çünki uğur sizin tərəfinizdə olacaq. Arzu etdiyiniz iş özü sizin qarşınıza çıxacaq. Ətrafınızda olan bir insan sizə sürpriz hazırlayır: bu ya maddi hədiyyə, ya da sevgi etirafı ola bilər. Münasibətdə olan Oğlaqlar, partnyorunuzu qısqandırmağa çalışmayın, nə də buna şərait yaratmayın, əks halda sevgi nifrətə çevrilə bilər. Uğurlu günləriniz 25, 28 yanvar, uğursuz gününüz isə 27 yanvardır.
DOLÇA bürcü
Dolçalar bu həftə ciblərində artım hiss edəcəklər. Həftənin ikinci yarısında kimin əsl dost olduğu, kimin isə sadəcə etibarınızdan istifadə etdiyi bəlli olacaq. Bütün vacib qərarları və planları gələn həftəyə keçirmək məsləhət görülür. Bahalı, lazımsız əşya alacaqsınız, lakin sonra xərclədiyiniz pula heyfiniz gələcək. Həftəsonu karyera yüksəlişinə doğru əhəmiyyətli addım atacaqsınız. Uğurlu günləriniz 23, 24 yanvar, uğursuz gününüz isə 26 yanvardır.
BALIQLAR bürcü
Bu həftə heç kimdən yardım gözləməyin və yalnız özünüzə güvənin! Həftə çox ağır keçəcək, işiniz, qayğınız başınızdan aşacaq. Lakin həftəsonu əziyyətinizin bəhrəsini görəcəksiniz. Aylarla alınmayan işləri bu həftə görüb uğur qazana bilərsiniz. Riskli bildiyiniz işlərə əl atın: uğur sizi təqib edəcək. Həftəsonu ulduzlar sizə möhtəşəm hədiyyə hazırlayıb: bu, sizi çox xoşbəxt edəcək. Uğurlu günləriniz 24, 27 yanvar, uğursuz gününüz isə 23 yanvardır.
