11 aylıq uşağın atası tərəfindən xəsarət yetirilməsinin səbəbləri məlum olub. Bu haqda 27 aprel tarixində Bakuplus.az İtv-yə istinadən xəbər verir.
Yasamal rayonu, Xaqani Dadaşov küçəsində aprelin 26-sı 30 yaşlı Samir Ağakərimov 11 aylıq körpəni evdən küçəyə atıb, qonşular uşağı əlindən almaq istəyərkən, onu qəsdən yerə çırpıb. Zərbə nəticəsində uşaq ağır kəllə-beyin travması alıb və Respublika Neyrocərrahiyyə Xəstəxanasına yerləşdirilib. Uşaq travma aldığı üçün gözləri çəpləşib, kəllə sümüyündə 4 yerdə sınıq əmələ gəlib və beyninə qan sızıb. Hal-hazırda o komadadır.
Əməli törədən Samir Ağakərimov saxlanılıb və onun barəsində Cinayət Məcəlləsinin 126.2.3-cü maddəsi ilə cinayət işi açılıb.
Məlum olub ki, atanın bu hərəkəti qısqanclıq zəminində baş verib. Həyat yoldaşının sözlərinə görə, Ağakərimov uşağın bioloji atası olmamasını, arvadının ona xəyanət etdiyini iddia edib. Bundan əlavə, arvadını ona cadu etdiyində günahlandırıb və cadunu tapmaq üçün evi alt-üst edib.
Qonşuların sözlərinə görə, Samir Ağakərimovun qeyri-rəsmi ailəsi var və o, tüfəyli həyat sürür.
