ADA universitetində BMT modeli üzrə konfransın açılış mərasimi olub. Bu haqda BakuPlus.az Report-a istinadən bu gün, 13 aprel tarixində xəbər verir.
Birləşmiş Millətlər Təşkilatının (BMT) Azərbaycandakı rezident-koordinatoru Vladanka Andreyeva ADA Universitetində keçirilən BMT modeli üzrə konfransın açılış mərasimində bildirib ki, üç gün davam edəcək konfransın işində müxtəlif universitetləri təmsil edən 85-dək tələbə iştirak edir.
Vladanka Andreyevanın sözlərinə görə, üç gün ərzində onlar hazırda dünya üçün vacib əhəmiyyət kəsb edən, adi insanların, o cümlədən burada olan hər kəsin həyatına təsir edən müxtəlif problemlərin həlli yollarını müzakirə edəcəklər.
Konfransın açılışında Azərbaycanın xarici işlər naziri Ceyhun Bayramov da iştirak edib.
[caption id="attachment_40477" align="alignnone" width="800"] Foto Report.az saytı[/caption]
