Azərbaycan Dövlət Akademik Musiqili Teatrında “Psix” tamaşasının premyerası olacaq. Bu haqda BakuPlus.az APA-ya istinadən bu gün, 7 aprel tarixində xəbər verir.
Dünya şöhrətli ispan yazıçısı Migel de Servantesin “Don Kixot” romanının motivləri əsasında hazırlanan tamaşada dahi bəstəkar, SSRİ Xalq artisti Qara Qarayevin “Don Kixot” simfonik qravürlərindən istifadə edilib.
Quruluşçu rejissoru və səhnələşdirəni rejissor Ər-Toğrul, bədii rəhbəri Akademik Musiqili Teatrın direktoru, Əməkdar incəsənət xadimi, fəlsəfə doktoru Əliqismət Lalayev olan tamaşanın musiqi rəhbəri Əməkdar incəsənət xadimi Fəxrəddin Atayev, quruluşçu rəssamı Vüsal Rəhim, konsertmeysteri Kamil Həsənov, rejissor assistenti Zaur Əliyevdir.
Səhnə əsəri 18 yaşından yuxarı tamaşaçılar üçün nəzərdə tutulub.
Tamaşa saat 19:00-da başlayır. Biletləri şəhərin bütün teatr-konsert kassalarından və “ASAN Xidmət” mərkəzlərindən əldə etmək mümkündür.
