Bakıda “Şamaxinka” adlanan ərazidə yerüstü keçiddə piyadalar çətinliklər yaşayır. Bu haqda BakuPlus.az bu gün, 12 aprel tarixində xəbər verir.
Bakıda piyadaların istifadəsi üçün müxtəlif ərazilərdə müasir yerüstü piyada keçidləri tikilib.
Sözügedən ərazidə tikilmiş piyada keçidində quraşdırılmış 3 liftdən 2-si işləmədiyindən, keçidə qalxanlar düşərkən uşaq arabalarını vətəndaşların köməyi ilə endirməli olurlar.
Fiziki məhdudiyyətli şəxslər və yaşlı insanlar da bu yerüstü keçiddən istifadə edərkən çətinlik çəkirlər.
Keçidin müasir standartlara uyğun inşa edilməsinə baxmayaraq, bu problemlər istər yerli sakinlərin, istərsə də paytaxtımıza gələn qonaqların narahatlığına səbəb olur.
[caption id="attachment_40375" align="alignnone" width="800"] Foto Bakuplus.az[/caption]
