Bakının ARTIM Layihə Məkanında Federiko Fellininin “Orkestrin məşqi" filminin nümayişi və müzakirəsi baş tutacaq. Bu haqda bu gün, 16 avqust tarixində Bakuplus.az məlumat verir.
Federiko Fellininin psevdosənədli film üslubunda lentə aldığı filmin təqdimatı saat 20:00-da başlayacaq.
Nümayişdən sonra Avropa Psixoanalitik Psixoterapiya Konfederasiyasının (Vyana, Avstriya) idarə heyətinin üzvü, Qərbi Kaspi Universitetinin psixoanaliz üzrə lektoru, psixoanalitik Fariz Səmədov ilə "Kino və psixoanaliz" mövzusunda açıq müzakirə keçiriləcək.
Tədbir Azərbaycan Kinematoqrafçılar İttifaqının dəstəyi ilə həyata keçirilir.
Film italyan və alman dillərində, Azərbaycan dilində altyazılar ilə təqdim olunacaq.Tədbirə əvvəlcədən qeydiyyatdan keçən və COVID-19 pasportu olan hər kəs qatıla bilər.
