Bakı şəhərində daha bir ünvanda yaşıllıq məhv olunur. Bu haqda bu gün, 4 avqust tarixində Bizim Media məlumat verib.
Bildirilir ki, Atatürk parkının Həsən Əliyev küçəsi tərəfindən kəsişməsində 20-dən artıq ağac, onlarla bəzək və gül kolları hasara alınaraq məhv olunur.
Bundan əlavə, həmin ərazidə antisanitar vəziyyət yaranıb, burada yüngül həyat tərzi keçirən şəxslərlə tez-tez rastlaşmaq olar.
Bu ərazi Ayna Sultanovanın abidəsinin arxasındakı, abadlaşdırılmış hissədən çox fərqlənir.
Ekologiya və Təbii Sərvətlər Nazirliyindən bildirilib ki, məsələdən xəbərsizdirlər. Araşdırma aparıldıqdan sonra əlavə məlumat veriləcək.
[caption id="attachment_55481" align="alignnone" width="896"]
Foto BizimMedia.az saytından[/caption]
