Bakıda “Location” gecə klubunda baş verən partlayışdan sonra “Azəriqaz” İB 1500-ə yaxın obyektə baxış keçirib. Bu haqda "Azəriqaz"ın Sağlamlıq, əməyin təhlükəsizliyi, ətraf mühitin mühafizəsi və keyfiyyətə nəzarət şöbəsinin rəisi İlkin Behbudov "Açıq qapı" aksiyası çərçivəsində jurnalistlərə bildirib.
Onun sözlərinə görə, Bakı və Abşeron rayonu əhatəsində 356 halda nöqsan aşkarlanıb, həmin obyeklər üçün qaz təchizatı dayandırılıb.
İlkin Behbudov qeyd edib ki, 274 halda (nəzərdə tutulmayan qoşulmalara görə və “Azəriqaz”la müqavilə şərtlərinin pozuntusuna görə) qaz sayğacları götürülüb, digər 82 halda isə qaz infrastrukturuna plomb qoyulub.
Qeyd edilib ki, artıq rayonlarda da yoxlamalara başlanılıb.
