Qazanxanaların yenidən qurulması “Azəristiliktəchizat” ASC-nin əsas planlarından biridir. Bu haqda bu gün, 15 aprel tarixində Report məlumat verib.
Bakıda böyük istilik mənbələri 1960-1970-ci illərdə tikilib. Qurum onları modernləşdirməyi və müasir qazanxanalara çevirməyi nəzərdə tutur. Bu planlar artıq Energetika Nazirliyi ilə də müzakirə olunur. İstilik təchizatı sistemlərinin dayanıqlılığının və səmərəliliyinin artırılması, institusional strukturun və uçot sisteminin təkmilləşdirilməsi, ölçü cihazlarının quraşdırılması, tariflərin tənzimlənməsi ən mühüm məsələlərdəndir.
Bəzi stansiyaların köhnəlməsi ilə əlaqədar Bakının Əhmədli qəsəbəsində 15 istilik məntəqəsinin və 1 yüksəldici nasos stansiyasının yenidən qurulması ilə bağlı təkliflər hazırlanıb. Layihə bu il başlayacaq və gələn il başa çatdırılacaq. Layihə 20 minə yaxın mənzili, 8 məktəbi, 14 uşaq bağçasını, tibb müəssisəsini və 100-ə yaxın digər obyekti əhatə edəcək.
