Bülbülə gölünün ətrafinda yaranan antisanitar vəziyyət sakinləri narahat edir. Bu haqda 19 aprel tarixində Bakuplus.az Aztv-yə istinadən xəbər verir.
Gölün ətrafında məişət tullantıları qalaq formasında toplanıb. Əmircan, Bülbülə, Bakıxanov və Qaraçuxur qəsəbələrindən çirkab sular məhz bu gölə axıdılır. Böyük ərazini əhatə edən gölün ətrafında minlərlə fərdi yaşayış evi tikilib. Bəzi evlərlə gölün arasında 10 metrdən də az məsafə var.
Sakinlər gölün ətrafının məişət tullantıları ilə çirklənməsinin əsas səbəbi kimi tullantı konteynerlərinin azlığını göstəririlər.
“Göl ətrafı yaşayış massivi olmadığına görə konteynerlərin sayı məhduddur. Məsələ ilə bağlı mütəmadi yoxlanışlar keçirilir. Konteynerlərin sayının artırılması istiqamətində müvafiq işlər aparılacaq”, - faktla bağlı Suraxanı RİH-in Təsərrüfat şöbəsinin müdiri Mehman Hüseynov açıqlama verib.
[caption id="attachment_41212" align="alignnone" width="800"] Foto AzTV-nin rəsmi Youtube kanalı[/caption]
