Paytaxtın Suraxanı rayonu, Bülbülə qəsəbəsi, Samir Əliyev küçəsində sahibsiz itlər sakinləri qorxudur. Bu haqda bu gün, 7 fevral tarixində Bakuplus.az Real TV-yə istinadən xəbər verir.
Sakinlər bildirirlər ki, hər dəfə küçədən keçəndə itlər onlara hücum edir. Vətəndaşlar uşaqları tək buraxmağa qorxurlar.
“Mən bu küçədən hər dəfə qaça-qaça keçirəm. Axşam saatlarında itlər ac olur deyə avtomobillərə belə hücum edir”, - deyə sakinlər şikayət edirlər.
Sakinlər bu problemin əsas səbəbinin yaxınlıqda yaşayan qadının olduğunu deyirlər. Onlar həmin qadını itləri yemləməkdə ittiham edirlər. Buna baxmayaraq, həmin şəxs əraziyə çıxdığı zaman itlər sakitcə onun yanına gəldilər və heç bir aqressiya göstərmədilər.
İtləri yemləyən şəxs vurğuladı ki, heyvanların arasında 1 dənəsi aqressiv idi, onu da “Toplan” apardı: “Heç kimə pislik etmək istəmirik, sadəcə rəhmimizdən onlara yem veririk”.
Məsələ ilə bağlı “Toplan” şirkətindən bildirildi ki, əraziyə daha öncə baş çəkilib. Müraciətə əsasən, yaxın 2 həftə ərzində də yenidən yoxlama aparılacaq.
[caption id="attachment_89787" align="alignnone" width="640"]
Foto Real TV[/caption]
