Bakı Şəhəri üzrə Təhsil İdarəsinin “Məktəbdə...” layihəsi start götürür. Bu haqda BakuPlus.az bu gün, 12 aprel tarixində xəbər verir.
Layihənin ilk qonağı texnika elmləri doktoru, professor, AMEA-nın müxbir üzvü, "Lütfi Zadə irsi və süni intellekt" Assosiasiyasının rəhbəri Rafiq Əliyevdir.
Görüşdə məktəb və müəllimin insanların formalaşdırılmasında və həyatımızdakı rolu, yeniyetmələrdə müstəqil qərarvermə bacarıqlarının inkişaf etdirilməsi, ixtisas seçimi və peşə sahələrinə yönəlməyə təsir edən amillər və digər maraq doğuran mövzular ətrafında söhbətlər aparılacaq, məktəblilərin sualları cavablandırılacaq.
Görüş 18 nömrəli tam orta məktəbdə 13 aprel tarixində baş tutacaq.
