Bakıda "Uşaq və yeniyetmələrlə aparılan sosial işin əsasları" mövzusunda seminar keçiriləcək. Bu haqda BakuPlus.az bu gün, 28 aprel tarixində xəbər verir.
AWiS-in ilk seminarının ilk qonağı DOST İnklüziv İnkişaf və Yaradıcılıq Mərkəzində "Sosial pedaqoji və psixoloji dəstək" şöbəsinin əməkdaşı, sosial işçi Selcan İbadzadə olacaq.
29 aprel tarixində Bakı Biznes Universitetində keçiriləcək seminar saat 13:00-da baş tutacaq.
Seminarda sosial iş tələbələrinə uşaq və yeniyetmələrlə aparılan sosial işin beynəlxalq və yerli modelindən, etik prinsiplər və kodeksdən, baxımsız, kimsəsiz və sosial təhlükəli uşaqlarla bağlı Azərbaycanda görülən tədbirlərdən bəhs olunacaqdır.
Selcan İbadzadə 2017-ci ildə Bakı Dövlət Universitetinin Sosial iş ixtisasına qəbul olub və 2021-ci ildə “Azərbaycanda və beynəlxalq təcrübədə yuvenal ədliyyə sisteminin təşkili” adlı diplom işini müdafiə edib.
O, 2022-ci ilin fevral ayından etibarən DOST İnklüziv İnkişaf və Yaradıcılıq Mərkəzinin Sosial Pedaqoji və Psixoloji Dəstək şöbəsində sosial işçi olaraq fəaliyyət göstərir.
