Bakıda 400-dən artıq eksponatı olan bərbər muzeyi mövcuddur. Bu haqda bu gün, 13 avqust tarixində Bakuplus.az AzTV-yə istinadən xəbər verir.
Zərgərpalan küçəsi, 5 ünvanında yerləşən “Barbershop”-da Salman İsmayılova məxsus 300 illik bərbər alətlərinə rast gəlmək mümkündür.
O, kolleksiyanı 25 ildir yığdığını bildirib, 8 il əvvəl isə muzey açmaq qərarına gəlib. Qədimi əşyalar arasında 18-ci əsrə aid qayçılar, ilk elektrik saçqırxan aparatlar, eləcə də İngiltərə zadəganlarına aid ətir və fincanlar görmək mümkündür.
Salman İsmayılov bu qədər əşyanı müxtəlif yollarla əldə etdiyini qeyd edir. Bəziləri atasından miras qalıb, bəziləri hədiyyə verilib, digərləri isə kolleksionerin özü tərəfindən tapılıb.
Bərbər muzeyinin Müstəqil Dövlətlər Birliyi (MDB) ölkələri arasında bir ilk olduğu iddia olunur.
[caption id="attachment_58638" align="alignnone" width="800"]
Foto AzTV rəsmi Youtube kanalı[/caption]
