Nərimanov rayonunda pul qazandıran qutu quraşdırılıb. Bu haqda 28 aprel tarixində Bakuplus.az-a məlumat daxil olub.
Nərimanov parkında maraqlı qutu quraşdırılıb. Onun içərisinə 8 kiloqram çəkisi olan “qızıl” külçə yerləşdirilib və qutuda dəlik açılıb. Oyunda iştirak etmək istəyənlər 5 manat ödəyib 30 saniyə ərzində bir əl ilə külçəni çıxartmalıdırlar. Buna nail olan şəxsə 500 manat mükafat verilir.
Qutunun dəliyi çox dardır və əldə sıxılmış külçəni oradan çıxarmaq ehtimalı olduqca azdır. Uğurlu cəhdlər az olsa da, qaliblər həqiqətən var. Əgər iştirakçı səy göstərərsə və barmaqlarının gücü külçəni tutmağa imkan verərsə, qızılı çıxarmaq mümkündür.
