Bakıda Ustad xanəndə, Əməkdar incəsənət xadimi Aqil Məlikovun yaradıcılıq gecəsi keçiriləcək. Bu haqda BakuPlus.az bu gün, 6 may tarixində xəbər verir.
Mayın 18-də baş tutacaq tədbir saat 19:00-da başlayacaq.
Gecədə Xalq artistləri Mənsum İbrahimov, Aygün Bayramova, Zabit Nəbizadə, Nəzakət Teymurova, Eyyub Yaqubov, Əməkdar artistlər Firuz Səxavət, Aygün Bəylər, Təyyar Bayramov, Gülüstan Əliyeva, Nurlan Növrəsli, Əməkdar müəllim Qəzənfər Abbasov və istedadlı ifaçılar Hüseyn Məlikov, Vəfa Vəzirova, Məmməd Nəcəfov, Vüqar Əliyev iştirak edəcəklər.
Tədbirdə ifaçıları Rövşən Qurbanovun rəhbərliyi ilə “Buta” instrumental ansamblı müşaiyət edəcək.
Biletləri şəhərin kassalarından və onlayn əldə edə bilərsiniz.
