Bakıda 15-ci Yubiley Azərbaycan Beynəlxalq Kənd Təsərrüfatı “Caspian Agro” və 27-ci Azərbaycan Beynəlxalq Qida Sənayesi “InterFood Azerbaijan” sərgiləri keçiriləcək. Bu haqda BakuPlus.az APA-ya istinadən bu gün, 16 may tarixində xəbər verir.
Mayın 18-dən 20-dək baş tutacaq sərgilərdə 24 ölkədən 449 şirkət iştirakını təsdiqləyib.
Kənd təsərrüfatı üzrə baytarlıq və zootexnika, bitkiçilik, heyvandarlıq, istixana üçün avadanlıqlar, kənd təsərrüfatı məhsulları və avadanlıqları və s. təqdim olunacaq Caspian Agro sərgisində dünyanın 20 ölkəsindən 294 şirkət iştirak edəcək.
Sərgi çərçivəsində mayın 18-də “Smart Agro: Kənd Təsərrüfatında İnnovasiyaların təbliği” konfransı keçiriləcək.
Sərgi üzrə bu il 40-a yaxın rayondan fermerlər üçün turlar təşkil olunub.
Eyni vaxtda Xəzər regionunun qida sənayesi şirkətlərinin əsas görüş yeri olan “InterFood Azerbaijan” sərgisi keçiriləcək.
“InterFood Azerbaijan” sərgisində 12 ölkədən 155 şirkət iştirak edəcək.
Sərginin məqsədi keyfiyyətli məhsulları bazara çıxarmaq və sərgi iştirakçıları ilə ziyarətçilər arasında birbaşa əlaqə yaratmaqdır.
