Bakıda yerli istehsal olan “Dəlik” və “Oturacaqlar” filmlərinin nümayişi keçiriləcək. Bu haqda BakuPlus.az bu gün, 31 mart tarixində xəbər verir.
5 aprel, saat 19:00-da baş tutacaq nümayiş YARAT İncəsənət Mərkəzində təşkil olunacaq.
İngilis dilində olan hər iki filmin rejissoru Orxan Ağazadədir. “Dəlik” adlı ekran əsərinin xronometrajı 20, “Oturacaqlar” filminin isə 13 dəqiqədir.
“Oturacaqlar” filmi başqa insanlarla ailə qurmasına baxmayaraq bir-birini sevən Kərimlə Rənanın sevgisindən bəhs edir.
“Dəlik” filmi isə Britaniyaya təhsil almağa yollanan 25 yaşlı Zibanın həyatından bəhs edir.
Qısametrajlı filmlər ARTİM Layihə Məkanında davam edən "Postponed" qrup sərgisi çərçivəsində nümayiş olunur.
Filmlər ingilis dilində, Azərbaycan dilində altyazılarla nümayiş olunacaq.
Yerlər məhdud olduğundan iştirak etmək üçün qeydiyyatdan keçmək mütləqdir.
