Bakıda 130 nömrəli tam orta məktəbdə erkən nikah və qızların təhsildən yayınma hallarının aradan qaldırılması məqsədilə növbəti maarifləndirici görüş keçirilib. Bu haqda BakuPlus.az Bakı Şəhəri üzrə Təhsil İdarəsinə istinadən bu gün, 13 aprel tarixində xəbər verir.
Görüşdə Bakı Şəhəri üzrə Təhsil İdarəsinin (BŞTİ) müdir müavini Xəyalə Əhmədzadə, Ailə, Qadın və Uşaq Problemləri üzrə Dövlət Komitəsi sədrinin müavini Aynur Sofiyeva, Sabunçu Rayon İcra Hakimiyyəti (RİH) başçısının müavini Rəna Fərəcova, BŞTİ-nin əməkdaşları, məktəb direktorları, müəllimlər və digər qonaqlar iştirak ediblər.
Çıxışlardan sonra mövzu ətrafında fikir mübadiləsi aparılıb, iştirakçıları maraqlandıran suallar cavablandırılıb.
Tədbir iştirakçıları bir neçə ailə ilə görüşüb, onlara övladlarını məktəbdən uzaqlaşdırmamaları və erkən nikaha məcbur etməmələri istiqamətində müvafiq tövsiyələr veriblər.
