Bakıda “Frankofoniya 2022” adlı silsilə fransız filmlərinin nümayişi baş tutacaq. Bu haqda BakuPlus.az bu gün, 31 mart tarixində xəbər verir.
1 aprel saat 19:00-da “Möcüzələr diyarında” adlı film ərəb dilində, fransız altyazılarla nümayiş olunacaq.
2017-ci il Mərakeş istehsalı olan “Hayat” filmi 2 aprel saat 17:30-da ərəb dilində fransız altyazılarla göstəriləcək.
Eyni tarixdə saat 20:00-da Çexiya istehsalı olan “Zarafat” filmi izləyicilərə təqdim olunacaq. Film çex dilində fransız və Azərbaycan altyazılarla nümayiş olunacaq.
Filmlər Landmark Cine-Club-da göstəriləcək.
İştirak etmək istəyənlər üçün giriş sərbəstdir.
Ümumilikdə proqrama 5 film daxildir. Tədbirlər 15 aprelə qədər davam edəcək
