Bakıda Hindistan məhsullarının ən böyük ticarət sərgisi açılacaq. Bu haqda 25 mart tarixində Trend.az məlumat verib.
Bakı İdman Sarayında martın 26-dan aprelin 3-dək “Best of India” Hindistan məhsullarının Ticarət Sərgisi baş tutacaq. Burada 50-60 şirkətin nümayəndələri iştirak edəcək. Sərgidə düyü, çay, ədviyyatlar, hədiyyələr, əl işləri, ev mebeli kimi yüksək keyfiyyətli məhsul və xidmətlər nümayiş olunacaq.
Tədbir zamanı hər kəs istənilən vaxt ödənişsiz olaraq Hindistan çayını dada bilər. Bundan əlavə, ziyarətçilər 9 gün ərzində xalq rəqsləri, Bollivud mahnıları, ənənəvi alətlərdə ifa, xına (Mehndi) sənətini izləyə bilərlər.
Sərgiyə giriş ödənişsizdir.
Hindistanla Azərbaycan arasında ümumi ticarət dövriyyəsi 2021-ci ildə 739,1 milyon ABŞ dollarına çatmışdır.
