Bakıda ikinci əl avtomobil ehtiyat hissəsi almaq təhlükəlidirmi? Bu haqda bu gün, 28 aprel tarixində Bakuplus.az Xəzər Xəbər-ə istinadən məlumat verir.
Qanunda əgər ehtiyat hissələri oğurluqdursa, onu həm alan, həm də satan məsuliyyətə cəlb oluna bilər. Bakıda belə halla qarşılaşmaq mümkündürmü?
Paytaxtın Babək prospektində yerləşən ikinci əl ehtiyat hissələrinin satıldığı ən böyük bazarlardan birində satıcılar bildirirlər ki, onlar bütün məhsulları xaricdən gətirirlər və ümumiyyətlə bazar sahibi Azərbaycandan ikinci əl ehtiyat hissəsi almağa icazə vermir.
“Xaricdən gətiririk, buradan almıram. Burada oğurluq ola bilər, artıq baş ağrı ola bilər. Ona görə burdan alıb satmıram”, - deyə satıcılardan biri bildirib.
Bazarın nəzarətçisi Qabil Əhmədov deyir ki, əvvələr bir neçə dəfə oğurluq mallar satışa çıxarılıb. Bu halın qarşısını almaq üçün bazarın rəhbəri sahibkarlara Azərbaycandan alış etməsinə icazə vermir. Xarici ölkələrdən işlənmiş ehtiyat hissələri gətirib satmaq istəyənlər isə gömrük sənədi təqdim etdikdən sonra, malları bazara daxil edə bilərlər.
