Aprelin 14-də Bakıda “Şəkər-Bura ŞOU” intellektual oyunu baş tutacaq. Bu haqda bu gün, 29 mart tarixində “Nə? Harada? Nə zaman?" klubunun peşəkar oyunçusu Rövşən Əsgərov Facebook səhifəsində məlumat yayıb.
Hər iştirakçı komanda yaradaraq “Nə? Harada? Nə zamanın?"-ın “Büllur bayquş” sahibi Rövşən Əsgərov və “Bayquş” ordeninin sahibi Roman Orkodaşviliyə qarşı intellektual mübarizə apara bilər. İntellektual oyunların iki ustasını məğlub etmək üçün səkkiz turunuz və finalınız olacaq.
Oyun 14 aprel cümə axşamı Fəvvarələr meydanında (Tərlan Əliyarbəyov küç. 12) yerləşən “Compass pub”-da saat 19:30-da baş tutacaq. Qalibləri şampan, medallar və şirniyyatlar gözləyir.
Oyunun qiyməti bir oyunçu üçün 12 manatdır.
Oyundan əldə olunan gəlirin bir hissəsi Ukraynaya Yardım Fonduna gedəcək. Bundan əlavə, fasilə zamanı xeyriyyə hərracı təşkil olunacaq və orada toplanan bütün vəsait Ukraynaya Yardım Fonduna yönəldiləcək.
Oyun üçün qeydiyyat - areo@rambler.ru. Biletləri yerində əldə etmək olar.
