Bakıda Latviyada çəkilmiş “Biele” bədii filminin təqdimat mərasimi keçirilib. Bu haqda BakuPlus.az Report-a istinadən bu gün, 7 aprel tarixində xəbər verir.
Tədbir Latviyanın Azərbaycandakı səfirliyinin təşkilatçılığı ilə baş tutub.
Gender bərabərliyinə dair layihə çərçivəsində çəkilən filmin rejissoru İnara Kolmane də tədbirdə iştirak edib.
Filmin müəllifi, yazıçı Vizma Belşeviçanın öz həyatı mövzusunda yazdığı eyniadlı romana əsasən çəkilmiş filmdə 30-cu illərin sonunda Latviyada yoxsul bir ailədə böyüyən 7 yaşlı Biele adlı qızın yaşayışı təsvir olunur.
Latviyanın Azərbaycandakı səfirliyi BMT-nin Azərbaycandakı ofisi və Norveçin Tükiyədəki səfirliyi ilə birgə gender bərabərliyinə həsr olunmuş “O” beynəlxalq müasir incəsənət layihəsini həyata keçirir.
