Bakıda “Metaverse və NFT nədir?” mövzusunda mühazirə keçiriləcək. Bu haqda BakuPlus.az bu gün, 12 aprel tarixində xəbər verir.
Əkinçi təşəbbüsü və Baku Community Space-in təşkilatçılığı ilə baş tutacaq mühazirədə “Metaverse və NFT nədir? Virtual dünyamız necə dəyişəcək?” kimi suallar müzakirə olunacaq.
Spiker qismində sosial media tədqiqatçısı, 10 ildən çoxdur ki, sosial media araşdırmaları ilə məşğul olan bloger Cavid Ağa olacaq. O, hazırda "bne IntelliNews" xəbər agentliyində Azərbaycan üzrə bölgə müxbiri kimi çalışır.
Mühazirə aprelin 15-i, 19:00-da SAT plazada yerləşən Baku Community Space-də baş tutacaq.
İştirak etmək üçün qeydiyyatdan keçmək mütləqdir.
