Bakı Gənclər Mərkəzində "Qəlblərin harmoniyası" adlı Milli və dünya rəqsləri festivalı keçiriləcək. Bu haqda bu gün, 13 aprel tarixində BakuPlus.az xəbər verir.
24 aprel tarixində baş tutacaq tədbir çərçivəsində Bakıda fəaliyyət göstərən uşaq və gənclərin rəqs kollektivlərinin iştirakı ilə müxtəlif rəqs kompozisiyaları, həmçinin sənətşünas-rəssam Məryəm Əsədovanın rəqs tarixinə işıq tutan əsərlərindən ibarət sərgi nümayiş olunacaq.
Münsiflər heyətini təşkil edən Xalq artistləri Eldar Mansurov və Cəmilə Bayramova, Əməkdar artistlər Etibar Zeynalov və Eteri Cəfərova, ritm ifaçısı Cəfər Həsənov, rəqqasə, pedaqoq Səbinə İsmayılova rəqs kompozisiyalarını qiymətləndirəcəklər.
