Bakıda “Qarabağ Azərbaycandır! Şuşa - Ənənədən Gələcəyə” adlı moda gecəsi keçirilib. Bu haqda BakuPlus.az Report-a istinadən bu gün, 7 may tarixində xəbər verir.
Gecə Bakı Milli Geyim Evinin təşkilatçılığı ilə Daş Salnamə Muzeyində təşkil olunub.
2020-ci ildə 44 günlük Vətən müharibəsi nəticəsində qazanılmış Qarabağ zəfərinə və Azərbaycan Prezidentinin 2022-ci ili “Şuşa İli” elan etməsinə həsr olunmuş gecədə Qarabağa, xüsusən də Şuşaya aid 40-a yaxın qadın və kişi milli geyimləri, həmçinin araqçınlar nümayiş olunub.
Tədbirdə dövlət qurumları, səfirliklər, ictimai, mədəni xadimlər və KİV nümayəndələri iştirak ediblər.
[URIS id=43508]
