Bakıda “Sağlam Gənclər, sağlam gələcək deməkdir” devizi altında maarifləndirici tədbir keçiriləcək. Bu haqda BakuPlus.az bu gün, 4 aprel tarixində xəbər verir.
Bakı Gənclər Evində baş tutacaq tədbir “İnkişafa Doğru Qadın Təşəbbüsü” İctimai Birliyi tərəfindən Azərbaycan Respublikasının QHT-lərə Dövlət Dəstəyi Agentliyinin yardımı ilə “Təhlükəli yoluxucu xəstəliklərin profilaktikası məqsədilə ictimai maarifləndirmə tədbirlərinin keçirilməsi”
adlı layihə çərçivəsində icra olunur.
Aprelin 8-i, sat 16:00-da keçiriləcək tədbirdə gənclər viruslu hepatitlər və vərəm haqqında - onların simptomları, yoluxma yolları, xəstəlikdən qorunma qaydaları və sair barədə geniş məlumatlar alacaqlar.
Məlumatlar elektron formatda və sosial animasiya çarxları vasitəsilə iştirakçılara təqdim olunacaq.
Qeydiyyatdan keçmək üçün İnstagram səhifəsinin rəy bölməsində "+" yazaraq linki əldə edə bilərsiniz.
