Gənclər və İdman Nazirliyi Bakıda standartlara cavab verən skeytbordinq meydançası tikmək istəyir. Bu haqda BakuPlus.az Report-a istinadən bu gün, 2 aprel tarixində xəbər verir.
Onun sözlərinə görə, bağlı meydançalar bu idman növü üzrə inkişafa təkan ola bilər: "Skeytbordinq meydançası xüsusi qurğularla təchiz olunmuş yerdir. Yarış keçirmək üçün meydançanın layihəsini beynəlxalq federasiyadan almalıyıq. Standartları onlar təsdiqləyir. Azərbaycan sabah hər hansı bir beynəlxalq turnir keçirmək istəsə, meydança beynəlxalq standartlara uyğun olmalıdır”.
Hüseynov Bakıda bu baxımdan lazımi infrastrukturun olmadığını söyləyib:
"Fəaliyyətimizin ilk 10 ilində bundan ötrü Bakı Şəhər İcra Hakimiyyətinə dəfələrlə üz tutmuşdum. Son 10 ildə isə artıq müraciət etmirəm. Çünki aldığım cavablar məni buna vadar edir (gülür). Dediklərinə görə, belə bir şərait olmayıb. Görünür, keçmiş şəhər rəhbərliyi bu işdə maraqlı deyildi. O vaxt müraciət edəndə bizə "yox" cavabı gəlirdisə, sonra şəhərin bir neçə yerində özləri bu cür skeyt-parklar tikdilər.”
Klub prezidenti əlavə edib ki, beynəlxalq standartlara cavab verən skeytbordinq meydançaları qurmaq üçün xaricdən mütəxəssis dəvət edilməlidir.
