Bakıda "Green Talk" devizi altında "Vərdişlərini yaşıllaşdır" adlı ekoyarmarka keçiriləcək. Bu haqda BakuPlus.az bu gün, 23 aprel tarixində xəbər verir.
Tədbir “USAID/Azerbaijan” və “Black Sea Trust for Regional Cooperation”-ın maliyyə dəstəyi ilə “Baku Community Space” tərəfindən həyata keçiriləcək.
8 və 9 may tarixlərində keçiriləcək yarmarkanın əsas məqsədi insanlarda ətraf mühitə qarşı həssaslığı, fərqindəliyi artırmaq, ekobizneslərin daha geniş kütləyə tanıdılması və ekoloji məhsulların alınmasına təşviq olunmasıdır.
Bakı ərazisində yaşayan 18-35 yaş aralığında olan gənclər tədbirə qoşula bilərlər.
Layihə çərçivəsində təcrübə proqramı da keçiriləcək. Yarmarkada çox fərqli ekobrendlərlə tanış olacaqsınız. Sonda isə DJ Nigarla möhtəşəm əyləncə olacaq.
