Bakıda autizmli insanlara dəstək yarmarkası keçiriləcək. Bu haqda BakuPlus.az bu gün, 14 aprel tarixində xəbər verir.
Aprelin 14-də baş tutacaq yarmarkada Mavili brendinin malları Kontakt Home-un Ukraynda dairəsindəki filialında nümayiş olunacaq.
Yarmarkada autizmli uşaqlar və valideynlər tərəfindən hazırlanan mallar təqdim olunacaq.
Əldə olunan gəlir Birgə və Sağlam İctimai Birliyinin nəzdində olan Autizm Bərpa Mərkəzinin balansına köçürüləcək.
Həmin gün 17:00-da autizmli uşaqların da iştirak edəcəyi musiqili tədbir də olacaq. Dəstək məqsədilə aprel ayında bağışlanan ianələr 2 dəfə artırılacaq.
