Bakıda “Əxlaq haqqında nə bilə bilərik?” mövzusunda məruzə və müzakirə keçiriləcək. Bu haqda BakuPlus.az bu gün, 9 aprel tarixində xəbər verir.
14 aprel saat 19:00-da baş tutacaq müzakirədə məruzəçi qismində Tinay Muşdiyeva iştirak edəcək.
Mövzular:
- Əxlaqi hökmlər nədir və onların epistemoloji xüsusiliyi nədədir?
- Əxlaqi hökmlər bizə bilik verirmi?
- Əxlaq haqqında rasional analiz aparmaq, arqumentativ danışmaq mümkündürmü?
- “Körpə uşaqlara işgəncə vermək olmaz” hökmünü necə əsaslandıra bilərik?
- Bu əsaslandırmada istinad etdiyimiz şey nədir - bilik, intuisiya, illüziya, yoxsa başqa bir nəsnə?
- Əxlaqi dəyərlər fiksiyadır, yoxsa onların obyektiv əsasları var?
- Ümumiyyətlə, əxlaq haqqında bilik niyə arzuolunan və can atılandır?
Tədbirdə iştirak etmək üçün giriş sərbəstdir. Qoşulmaq istəyənlər özü haqqında qısa məlumatı (ad, soyad, maraq/araşdırma sahəsi)
imeyl ünvanına göndərə bilər.
Müzakirə Baku Community Space-in SAT plaza, 7-ci mərtəbədə yerləşən ofisində baş tutacaq.
