Bakı Şəhəri üzrə Təhsil İdarəsi “Ailəm və məktəbim” layihəsinə start verir. Bu haqda BakuPlus.az Azərtac-a istinadən bu gün, 19 aprel tarixində xəbər verir.
Layihə çərçivəsində peşəkar mütəxəssislərin iştirakı ilə “Hər şey övladımız üçün” başlığı altında tədbirlər təşkil ediləcək.
Bundan əlavə, “Valideynin məktəbdə bir günü” layihəsinin davamı olaraq, valideynlərin təklif və fikirlərini öyrənmək üçün müxtəlif görüş və sorğular keçiriləcək.
Valideynlərin ixtisaslarına, iş sahələrinə uyğun olaraq, həmin istiqamətlərə maraq göstərən şagirdlərlə görüşlər təşkil ediləcək.
Layihə çərçivəsində məktəb-ailə əməkdaşlığında fərqlənən ümumi təhsil müəssisələri və valideynlərin təltif olunması nəzərdə tutulur.
