Bakı Kitab Mərkəzində Adəm İsmayıl Bakuvinin "Məhşər divanı: Yalanın 17 anı" sənədli romanının təqdimatı keçirilib. Bu haqda BakuPlus.az APA-ya istinadən bu gün, 31 mart tarixində xəbər verir.
Təqdimat mərasimində dövlət qurumlarının təmsilçiləri, mədəniyyət və ictimaiyyət nümayəndələri iştirak ediblər.
Tədbirdə aparıcı qismində Qulu Məhərrəmli, eləcə də Xalq yazıçısı Çingiz Abdullayev, Azərbaycan Milli Məclisinin deputatları Fazil Mustafa və Akademik Ziyad Səmədzadə, tarix elmləri üzrə elmlər doktoru, professor Kərim Şükürov, Dilarə Əliyeva adına Azərbaycan Qadın Hüquqlarını Müdafiə Cəmiyyətinin sədri Novella Cəfəroğlu və yazıçı Varis çıxış ediblər.
Yekunda müəllif Adəm İsmayıl Bakuvi kitabın yazılması tarixçəsindən danışıb.
445 səhifəlik sənədli romanda eyni millətin (erməni) nümayəndəsi olan 17 nəfərə Böyük Divan qurulur.
Əsərin daha 4 dildə - türk, rus, ingilis və erməni dillərində çapı nəzərdə tutulur.
