Bakıda paytaxt məktəbliləri arasında elm olimpiadasının 1-ci mərhələsi keçirilib. Bu haqda BakuPlus.az bu gün 30 aprel tarixində xəbər verir.
Paytaxtdakı 18 nömrəli tam orta məktəbdə təşkil olunan olimpiadada BŞTİ-nin rəhbərliyi və əməkdaşları, KİV nümayəndələri bilik yarışının gedişini izləyiblər.
Olimpiadada 800-ə yaxın şagird iştirak edib. Komanda şəklində yarışan 8, 9, 10-cu sinif şagirdləri 3 saat ərzində 3 fənn üzrə 15 sualdan ibarət test tapşırıqlarını yerinə yetiriblər.
1-ci mərhələdə test tapşırıqlarının hər birinin doğru cavablandırılması 1 balla qiymətləndiriləcək. Olimpiadanın 1-ci mərhələsində ən yüksək nəticə göstərən 12 komanda final mərhələsində iştirak üçün vəsiqə qazanacaq.
