Bakı Zooparkına gələnlər ya avtomobili park edə bilmir, ya da cərimələnirlər. Bu haqda Xəzər Xəbər reportaj hazırlayıb.
Bakı Zooparkının parklanma yerləri məhdud olduğundan, sürücülər nəqliyyat vasitələrini qadağan olunmuş yerdə saxlamalı olurlar. Ziyarətçilərin əsasən istirahət günlərində gəlməsi belə problemi üzə çıxarır.
Zooloji Parkdan bildirilib ki, parklanma yeri 30 avtomobil üçün nəzərdə tutulub. Digər nəqliyyat vasitələri isə yol kənarında park edilə bilər.
Qadağan olunmuş yerdə park edilən avtomobillər isə günün pik vaxtlarında tıxaclara səbəb olur.
DİN-nin əməkdaşı Araz Əsgərli bildirib ki, ziyarətçilər avtomobillərini yalnız xüsusi təyin olunmuş yerlərdə saxlamalıdırlar. Qurum rəsmisi belə yerlərin məhdud olması səbəbindən vətəndaşlara ictimai nəqliyyatdan istifadə etmələrini tövsiyə edib.
Əks halda dayanma-durma qaydalarını pozan sürücüləri 20 manatdan 40 manata qədər cərimə gözləyir.
