“BakuBus” sürücüsü insanların həyatını təhlükəyə atıb. Bu haqda 4 mart tarixində Avtosfer.az məlumat verib.
Bu gün saat 11 radələrində 6 saylı marşrut xəttində xidmət göstərən 99-JU-367 nömrəli avtobusun sürücüsü nasaz vəziyyətə düşən avtobusu sürüb. Belə ki, güclü küləyin təsiri nəticəsində avtobusun damında olan qapaq açılıb.
Faktla bağlı “BakuBus” şirkətindən açıqlama verilib. Məlum olub ki, sürücü avtobusda yaranmış problem barədə dispetçer xidmətinə məlumat verib və avtobusda yaranmış nasazlığı aradan qaldırmaq üçün əraziyə mobil servis göndərilib. Amma bu nasazlığı ərazidə aradan qaldırmaq mümkün olmadığından, sürücü son dayanacaqda sərnişinləri düşürərək dərhal avtobusu qaraja aparıb.
