Paytaxtın Binəqədi rayonu, 2-ci mədən 73-cü məhəllədə çirkab suları arxa axır. Bu haqda bu gün, 2 aprel tarixində Bakuplus.az AzTV-yə istinadən xəbər verir.
Ərazidə kanalizasiya sistemi olmadığından, çirkab suları yaxınlıqdan keçən arxa axıdılır. Nəticədə üfunət qoxusu və antisanitar vəziyyət sakinlərin narahlığına səbəb olur.
Bundan əlavə, kanala həmçinin sənaye müəssisələrinin tullantı suları da axıdılır.
Sakinlər bildirir ki, 6 il əvvəl Binəqədi rayon Icra Hakimiyyəti onların müraciətinə cavab olaraq 2014-2016-cı illərdə sözügedən rayonda kanalizasiya xətlərinin çəkiləcəyini bildirmişdir.
Rəsmi qurumlar mərkəzləşidirilmiş kanalizasiya sisteminin bir qisminin artıq hazır olduğunu və işlərin davam etdiyini bildirib.
