Paytaxtın Binəqədi rayonu, Sulutəpə qəsəbəsi, Ruslan Allahverdiyev küçəsində yollar pis vəziyyətdədir. Bu haqda bu gün, 26 mart tarixində Bakuplus.az AzTV-yə istinadən xəbər verir.
Yollardakı çöküntülər və kanalizasiya sisteminin düzgün işləməməsi sakinlər üçün çətinlik yaradır. Yağıntılar zamanı yollar keçilməz olur.
Bundan əlavə, ərazidə işıq dirəkləri də yoxdur.
İcra Hakimiyyətindən məsələdən xəbərdar olduqlarını və artıq aidiyyəti orqanlara müraciət etdikləri bildirilib. AAYDA-dan isə küçələrin təmirinin nəzərdə tutulduğunu və plana uyğun reallaşdırılacağı qeyd edilib.
