İslam dininin bayramları içərisində Ramazan bayramı mühüm yer tutur. Bu bayramın tarixi hicri-qəməri təqvimi ilə 2-ci ildən (miladi 623-cü il) başlanır. Islamda ilin ayları arasında ramazan ayı ən şəfaqətli və müqəddəs ay hesab edilir. 27 oktyabr 1992-ci ilin qərarı ilə Ramazan bayramı ölkəmizdə dövlət səviyyəsində qeyd olunmağa başlandı.
Ramazan ayını məcazi şəkildə “on bir ayın sultanı” da adlandırırlar. Bu ayın gecələrinin birində İslamın müqəddəs kitabı olan “Quran” nazil olmuşdur. Həmin gecəyə “qədr” və ya “ehya” gecəsi deyilir. Qədr gecəsinin hansı günə təsadüf edildiyi dəqiq bilinmir. Bununla bağlı müxtəlif rəvayətlər var. Lakin ümumi fikrə əsasən, qədr gecəsi ramazan ayının son on gecəsindən biridir, həm də tək günün gecəsidir.
Ramazan ayında tutulan oruc İslam dininin əsaslarından biridir. Bu səbəbdən Ramazan həm də “Orucluq bayramı” adlanır. Orucluq səmada yeni Аyın göründüyü andan başlanır və 29-30 gün davam edir.
Ayların sultanı olan ramazanda ailələr iftar süfrələri açır, qohumlarını və yaxınlarını şam yeməyinə dəvət edirlər.
