Bakıda rezidenturaya qəbul imtahanının 2-ci mərhələsi keçiriləcək. Bu haqda məlumatı BakuPlus.az Dövlət İmtahan Mərkəzinin mətbuat xidmətinə istinadən bu gün, 18 avqust tarixində verir.
21 avqust saat 10:00-da başlanacaq imtahan 4 binada keçiriləcək və 2 saat 30 dəqiqə davam edəcək.
Saat 09:45-dən sonra gələn iştirakçılar imtahan binasına buraxılmayacaq.
Namizədlər “İmtahana buraxılış vərəqəsi”ni burada çap edə bilərlər.
İmtahana gələrkən şəxsiyyəti təsdiq edən sənədin əslini və “İmtahana buraxılış vərəqəsi”ni gətirmədiyiniz təqdirdə və ya sənədlər arasında uyğunsuzluq olarsa, imtahana buraxılmayacaqsınız.
İmtahanın 2-ci mərhələsində iştirak etmək üçün 882 namizəd qeydiyyatdan keçib. Onlardan 282 nəfəri oğlan, 600 nəfəri qızdır. 745 namizəd Azərbaycan bölməsinin, 137 namizəd rus bölməsinin, 369 namizəd cari ilin, 513 namizəd isə əvvəlki illərin məzunudur, 6 nəfər xarici ölkə vətəndaşıdır.
Bakı şəhərində 856 namizədin imtahan verəcəyi gözlənilir.
