Bakının Dənizkənarı bulvarında 9 sentyabr tarixində Azərbaycan Gimnastika Federasiyasının yenidən qurulmasının 20 illiyinə həsr olunmuş “Gimnastika hamı üçün” layihəsi çərçivəsində festival keçiriləcək. Bu haqda bu gün, 19 avqust tarixində Bakuplus.az federasiyanın mətbuat xidmətinə istinadən məlumat verir.
Tədbirdə milli yığma komandanın üzvləri, “Ocaq Sport” klubunun nümayəndələri, eləcə də respublikamızın rayonlarından olan idmançılar musiqi sədaları altında çıxış edəcəklər.
Əraziyə giriş sərbəstdir. Tədbirin təşkilində məqsəd gimnastikanın əhali arasında təbliği, sağlam həyat tərzinə çağırış, asudə vaxtının səmərəli təşkilidir.
