Dünyanı 100 gün boyunca səyahət etməyə çıxan məşhur yoqin Sadhquru (Caqqi Vasudev) aprelin 29-da Azərbaycanda olacaq və həmin gün Heydər Əliyev Mərkəzində mühazirə ilə çıxış edəcək. Bu haqda BakuPlus.az bu gün, 13 aprel tarixində xəbər verir.
Bu səfər “Torpağı qoruyaq” (“Save Soil”) missiyası ilə motosikletlə dünyanı gəzən səyyahın Heydər Əliyev Mərkəzində ikinci çıxışıdır.
Yoqin artıq Birmingem, London, Amsterdam, Berlin, Praqa, Vyana, Lyublyana, Roma, Cenevrə, Paris və Brüsseldə olub.
Sadhqurunun Heydər Əliyev Mərkəzində keçiriləcək mühazirəsinin biletlərini Mərkəzin kassasından əldə etmək olar.
İlk dəfə o, Azərbaycanda 2018-ci ilin noyabrında olub.
