Azərbaycan Dillər Universiteti inşa müsabiqəsi elan edib. Bu haqda 15 aprel tarixində Bakuplus.az ADU-ya istinadən xəbər verir.
Ümummilli Lider Heydər Əliyevin anadan olmasının 99-cu ildönümü münasibətilə “Çinin ictimai və siyasi xadimləri Heydər Əliyev haqqında” mövzusunda inşa müsabiqəsinə start verilib. Müsabiqəyə Azərbaycan, Çin və rus dillərində yazılmış fərdi inşalar qəbul edilir. Çin dilində olan inşalar qiymətləndirilərkən dil biliyinin səviyyəsi də nəzərə alınacaq.
Müsabiqə iştirakçılarının işləri mayın 1-dək rafabba@yandex.ru elektron poçt ünvanına qəbul edilir. Müsabiqənin qalibləri üç dərəcə üzrə diplom və qiymətli hədiyyələrlə mükafatlandırılacaq. Müsabiqənin bütün iştirakçılarına sertifikatlar veriləcək.
